كان ياما كان في قديم الزمان
يعني يوم الخميس 29/11/1429هـ
كان فيه واحد
وده يتفرج على السيول في صبخة القصب
اللي تجيك قبل القصب على اليسار وانت جاي من الرياض
المهم الرجال وقف سيارته على جال البحيره ونزل يتمشى
http://www.mekshat.com/pix/upload02/...89/mk18297_a11
مادرى الا الماء وصل السياره
حاول يطلع لكن ما امداه
كفراته صارت تدور في الطين
http://farm4.static.flickr.com/3282/...9e370373_o.jpg
المهم ترك موتره يمرح يوم جا الصبح ويفزع له راعي حراثه
حاول يسحب الجيب لكن صارت هذي النتيجه
http://www.mekshat.com/pix/upload02/images89/mk18297_a4
http://farm4.static.flickr.com/3207/...c11ce1b9_o.jpg
تلاحظون الاخوان جابوا شاي
شكلهم وسعوا الصدر عند الحراثه
http://farm4.static.flickr.com/3279/...9a938b06_o.jpg
مسيكينه هالحراثه
راحت فيها
هالحين الحراثه تقول
طلعوووووني وش لقفني اجي هنا
المهم أشروا لراعي القلاب على الخط وجا يبي يسحب الحراثه
وكانت هذي النتيجه
وهذي صورة ثانيه ولاحظ قرب خط الزفلت
وعرفوا ان الموضوع يبي يطول والدليل ترمس المويه!!
http://farm4.static.flickr.com/3057/...353ab3b8_o.jpg
قالو مابدهاش لازم نجيب شيول كبير
لكن شوفو وش صار
http://farm4.static.flickr.com/3063/...d4ac1883_o.jpg
من شفت الطاسه اللي حاطها ورى وانا غاسل يدي
قامت الحراثه تضحك
قالت (قيت لك ياعبدالمعين عوزك تعيني لئيتك ياعبد المعين عاوز تتعان) <-- طبعاً باللهجة المصريه
http://www.mekshat.com/pix/upload02/images89/mk18297_a5
المهم قالو الحل الأخير هو الاتصال بالدفاع المدني وقامو وزينوا الشاهي بعد ما خلص الشاهي اللي في الزمزميه
وقعدو يتقهوون بالبريق اللي قدامكم هاتك براد رايح وبراد جاي
وفعلا جا الوايت علشان يسحب هاللي غاطسين
وشوفوا وش صار
http://farm4.static.flickr.com/3273/...9b5de710_o.jpg
http://farm4.static.flickr.com/3032/...659f1c08_o.jpg
وتركو الجيب والحراثه والسقس والدركتل
وحاولوا يطلعون الوايت
لو سموكم الدفاع المندي كان احسن هههههاي
شكل السواق توهق وانواع الجزاءات بتطبق عليه
http://www.mekshat.com/pix/upload02/images89/mk18297_a1
وحاولوا كثيراً بدون فايده
http://www.mekshat.com/pix/upload02/images89/mk18297_a6
يوم انهم عجزو قالوا ما يفل الحديد الا الحديد
جيبوا الدركتل ابو جنزير
ويجيك يتمخطر ويضحك على هاللي غاطسين
http://farm4.static.flickr.com/3285/...c92ab8d4_o.jpg
لكن جاه ماجا ربعه
تعلق اخينا في الله وقال هذا مكاني
وجابوا عمال البلدية يحفرون له وحطو له خشب يبونه يطلع لكن ما فاد
وبعد ما استفادو من الدرس اللي تكرر عليهم في الجيب والحراثه والقلاب والدركتل والوايت
قررو يسحبونها من بعيد
ربطوا عدة وايرات في بعض وطلعو ابو جنزير ويقواون ان الدركتل اللي سحبه على الزفلت
هههههههه الصبخة ما يلعب معها على الزفلت وعساك تسلم
ثم سحبو الشيول
http://farm4.static.flickr.com/3026/...7b7a3bce_o.jpg
والحمدلله على السلامه
هذي صورة للموقع من بعيد
مابقي غير يفكون بقاله هناك لوووووووووووووووووول
http://farm4.static.flickr.com/3270/...51a073ab_o.jpg
والحمد لله طلعت الحلقه الاخيره نهايه سعيده
