((( يانفس توبي )))

((( يانفس توبي )))

........................
اسألك يانفسي واجيبي لماذا؟
الى متى وانتي على الوضع هذا؟
ماذا استفدتي من معاصيك ماذا؟
توبي عسى الرحمن يغفر خطاياك

......................
يانفس ضعنا واهلكتنا المعاصي
والله حليم ويمهل لكل عاصي
لاتتبعين لكل داني وقاصي
للي خلقك من العدم حثي خطاك
.........................
سنين مرت كلها ضيق في ضيق
كن الجمر مشبوب بين المعاليق
ماغير اجامل وابتسم للمخاليق
والا الحقيقه داخل الصدر تكاك
.............................
والله لو به فايده كان ماتوب
لكنها حسره وتنكيد وذنوب
ياواحدٍ رديت يوسف ليعقوب
رد الحزين اللي من الذنب ينخاك
.............................
يانفس كانك ترغبين السعاده
صلي في المسجد صلاة العباده
ترى الصلاة الللي تصلين عاده
صلاة ساهي ماهي بعقل وادراك
.....................................
يانفس توبي قبل لاتطلع الروح
دام ان باب التوبه اليوم مفتوح
بكره يلفونك بخرقه على لوح
وفي وقتها يانفس حقك وماجاك
................................
يارب تسقي بذرة الخير فينا
وانك على درب الرشاد تهدينا
وانك تسامحنا وتستر علينا
يالواحد اللي ماخسر من ترجاك
................................
اشكرك ياربي لك الحمد والشكر
لك الثناء والعفو والفضل والذكر
يالله عسانا مع محمد وابو بكر
في جنة الفردوس والموعد هناك


الشاعر/ محمد الجذع