اليوم هو موضوع مركب فيه هموم وفيه قهر وفيه اشياء كثيره
شوفوها معاي
اولا بتكلم عن الريال السعودي
للاسف جاك يوم يالريال تكون ماتسوى شي وهذا الي حاصل بعد ماكان الهلل له
له رزه وقيمه صار اليوم الخمسين مايبغاها الولد ولاتكفيه علشان
يطلع من اصدقائه
لانقول اسعار لانقول حكومه ولانقول بنوك ان هي السبب في انسداح الريال
بالعكس طمعنا حنا الشقق زدنا في اجارها اكلنا ماناكل الا في المطاعم الفخمه
اذا سافرنا سافرنا للاماكن الغاليه
اذا اشتيرنا اشترينا من الغالي
هههههههههههههههههههههههه
ياناس اقرب مثل على كلامي ان حنا ناس من جد مختلفين
شوفوا الاجانب :santa_1: اقسسسسسم بالله مرتاحين ومفرفشين احلى فرفشه
وش معنى هم رواتبهم ربع رواتبنا
بقولكم شي العامل الي معاي بالعمل لقيت معاه ان 72 ياناس راتبه 300
من وين جابه
غسيل السيارات من البقشيش الي كل شويه حنا سادحينه فيه
ياااااااحاااااااااتم جيب لي كوكا و تويكس وعطه عشر ريال هههههههههههه
والله حاله ياناس حنا الي نرفع الاسعار على نفسنا مو التجار
التجار يلاحق تجاراته يشوف الناس يدفعون ماعندهم مشكله يشوف الناس يبغون الغالي
يقول ليه مااجيب الغالي اذا الناس يشترون
وحنا كالعاده في الاخير نقول التجار نصابين
التجار يسرقونا
لاااااااااا وربي حنا الي نضيع فلوسنا بانفسنا
احد جبرنا اانا ندخل اسهم احد قالكم ادخلوا صناديق
احد قالكم اشتروا مسااهمات
يعني ادخل مع الخلق واكسب عيشتك بس ادخل في المضمون مافيه وعي عندنا
في نهايتك كلامي اقولك
المشكله هذي مالها حل الا بعد مانصلح نفسنا بعدين شوف الوضع كيف يتغير
وادعوا ربكم ان مجلس التعاون يوحد العمله الخليجه صح انها صبعه بس
من صالحنا كلنا ريال تدفعه في السعوديه نفسه في البحرين
طيب ياحلوين
بقولكم شي فاقعن مرارتي
هو صراحه شي متعلق في الاول لكن بشكل ثانوي
غلا المهور
مدري صراحه وش يفكرون فيه الاباء
يعني مثلا ارتفعت الاسهم رفعوا مهور بناتهم
واذا خسروا في مساهمه نقصوا المهور
وياناس والله قهر يلاقونها منكم ولا من الاجارات ولا من محلات الذهب اخبر اخر مره وصل 90 مدري اذا ارتفع الذهب بعد مشكله والله
صار الوضع مخيف وربي كثروا البنات وكثروا الشباب
البنات ودهم يعرسون والشباب بعد بس المشكله
انهم كلهم متعلقين بشي اسمه تقاليد
يعني مثلا هذا عندنا مدري اذا عندكم
ادفع 40000 مهر
ذهب على الاقل 30000
يعني مع الهدايا 5000
صاله الزواج قول 20000
الخرفان واااااااااااااااااااااااه على الخرفان بعد ماكنا نشتريها ب 400
الحين صحكت 1000 الى ا1500
يعني قول عشرين خروف 20000
تيب شهر عسل قول 15000
يومين في فندق 1500
بعد الزواج تحضر عشى عند ابو البنت على الاقل 7000 تكلفته
بعدين عند ابوك نفس الشي 7000
وقبل الزواج شقه 20000 واغراض الشقه تقريبا 20000
هههههههههههههههههههههههههههههه والله واجد توني احسبها
المجموع 185500
شافين كيف يعني بتشتري بي ام دبليو الفئه الخامسه لون اسود من داخل بيج وجنوط حجم 20
ياااااااسلام ماكأنك بتاخذ بنت علشان تعيشون في رخاء ونبات وتخلفو صبيان وبنات
ههههههههههههههههههههههه
صراحه مشكله اتضح ان مايقدر عليها الا ناس لهم كلمتهم بين الناس
لان اعرف قبايل شيوخها سووها والحمد لله الحين
يقول البنات خلصوا في المكان ذا ماعاد فيه بنات
صاروا يحجوز البنت وهي عادها في بطن امها
هههههههه
في الاخير اخواني اتمنى تاخذون كلامي في عين الاعتبار بانه كلام انسان
خايف مو علينا على مستقبل عيالنا
وماقلت كلامي هذا من فراغ
خبرتي في موسسه ماليه وشوفت العجب العجاب
وموضوعي الثاني واقع كلنا عايشين فيه
================================
منقوووول
