متى بيعقلون اليابانيين؟
الجهاز الأول
هو عبارة عن طابعة بس مو أي طابعة ..!
الطابعة ذي الله يسلمكم تطبع على الورود .. شي على كيفكم
ما على الواحد فيكم إلا يدور محل ورود مشهور ويأخذله متر في متر جنبه ويحط الطابعة مع كمبيوتر ولوحة إعلانية
الناس بتشتري من محل الورود وبيجونك إن شاء الله .. وش رايكم .. هذا إذا ما صار راعي محل الورود متعاقد معك
هذا شكل الطابعة وقيمتها حوالي 1250 دولار والحبر 65 دولار
وهنا اشكال ثانية
--------------------------------------
والجهاز الثاني
هو عبارة عن كاميرا ديجيتال لكن اللي أعجبني فيها أنها مقاومة للماء وتقدر تصور فيها لحد 3 أقدام تحت الماء بدون أدوات إضافية
مواصفاتها
جسم مقاوم للماء
تشغيل سريع
6 ميجا بكسل
2إنش شاشة كريستال
التصوير بـ 20 وضعية
وظائف صوتية و مسجل صوتي
وحدة تخزين وداخلية 10.5 ميجا
توصيل للتلفزيون
------------------------------------------------
الجهاز الثالث
هذا الجهاز مهم للي بزارينهم يضيعون الريموت الكونترول حق التلفزيون أو الرسيفر وكل يوم يدورون عليه ساعتين أو يمكن ما يحصلونه طول اليوم ..
الجهاز عبارة عن قطعتين .. الاولى تلزق على الريموت أما الثانية فهي عبارة عن صفيرة صغيرة ويمكنك الاستغناء عنها والتصفير بفمك بدونها
كل ما ضاع عليك الريموت ما عليك إلا أنك تصفر (صوت صفير) وبتسمع الرد من الجهاز الملزوق على الريموت يقولك أنا هنا يامعلم .. خخخخخخ لا تصدقون عاد لكن بتسمع صوت رنين من الجهاز مثل البيجر وبتعرف وين الريموت ..
هذا شكله
------------------------------------------
الجهاز الرابع
للمبتلشين بالمدخنين سواء في البيت أو في العمل .. والجهاز ذا يقوم بتنقية الجو بس ميزته أنه يشتغل على منفذ USB يو إس بي
وهنا رابط لملف فيديو فلاش يوضح مدى فعالية الجهاز في التقنية
الرابط
الجهاز الخامس
أسهل طريقة لنقل الملفات بين جهازين .. تشبك في الجهاز الاول على USB
وفي الجهاز الثاني على USB وبعدها تنقل الملفات بين الجهازين بطريقة السحب والإفلات
أو النسخ واللصق .. سرعة النقل 25 ميجا/ثانية وطول سلكه 4 أقدام يمكن لفه داخل الجهاز نفسه
--------------------------------------------------------------------------------
الجهاز السادس
هذا الجهاز للطوارئ وللضعوف اللي ما عندهم بطارية احتياطية للجوال ... الجهاز عبارة عن شاحن يدوي (هندل) تمسك الهندل بيدك وتقعد تفر فيه وهو يشحن
يعني جوالك بينشحن على قد شغلك .. خل شغل الجيم GYM يطلع هنا هعهع
-----------------------------------------------------------------------
الحين خلونا من الاجهزة ونبي نشوف حركات تنفع
مثل ذا الكاس .. كلنا نعرف كورة البلازما اللي تسوي خطوط كهربائية مثل البرق داخلها اذا لمستها بدون ما تضرك طبعا..
هذا الكاس بنفس الفكرة يجي بقاعدة .. إذا شلته من فوق القاعدة يصير كاس عادي
------------------------------------------------------
وش تتوقعون ذي الصورة .. أكيد واضح شكله حبة دواء .. صح .. طيب إنزل شوي
اذا كنت مصمم اصبر شوي للصورة اللي بعدها (صورة متحركة) واعرف بنفسك وش ذا
|
|
|
|
V
حط كم نقطة موية على ذي القطعة وبيطلعك منشفة وجه ... ياسلاااااااااام
هبال اليابانيين ماله نهاية..
------------------------------------------------------------------
طيب ما دامنا في هبال اليابانيين .. خل نشوف هدية من الهدايا اليابانية
العادة أن الواحد يشتري خضروات أو فواكه معلبة أما انه يشتري زهور أو ورود معلبة .. شي غريب ..صح!
اختر النوع اللي يناسبك من النباتات الموضحة أعلاه ..
وبعدها افتح العلبة واسقيها موية 3 أيام مع توفير ضوء الشمس وبعدها لاحظ التغير
بس لحد الآن ومافي مشكله ..
نقدر بكره ننافسهم ونحط بذرة نخل برحي أو سكري في علبة ونخليها تنبت وتثمر بعد دقيقتين من فتحها
(أيه هين)
لكن شوفوا الحركات .... ذي علبة فيها بذرة سحرية بعد ما تسقيها 3 ايام تطلع لك ومكتوب عليها
(I Love You) بشكل واضح مثل الصور أدناه
:3::3::3::3:
:25::25::25:
