الشاهي
http://www.al-naddaf.com/PC-NDF/mlffat/files/956.gif
كلاً له مزاج وكلاً له ذوق
فرغم قدم هذا المشروب
إلا أنه لم يزل هو الأبرز بعد القهوه طبعاً
ولذلك حبيت أطرح موضوع
عن
نوع الأبريق ...... و ....... نوع الشاي
الشاهي
شاي الربيع اللي بعلبه معدن
http://anaddaf.myqnapcloud.com/PC-ND...729068_276.jpg
والأبريق
بنظري هالأبريق هو الأفضل
بشرط أن يكون الأصلي ..كوري..
طبعاً منقطع من السوق إلا في بعض المحلات
ولم أجد منه إلا مقاس 8-18
وهذا صغير جداً
والمقاس المظبوط 10-18
هذا الكوري ... طبعاً متين جداً والشاهي فيه ((أكّه)) مظبووووط
http://anaddaf.myqnapcloud.com/PC-ND...729068_376.jpg
هذا الصيني ... طبعاً مايصلح
http://anaddaf.myqnapcloud.com/PC-ND...729068_648.jpg
وهذه صورة لإبريقي رفيقي في الرحلة
http://www.al-naddaf.com/PC-NDF/mlffat/files/350.jpg
http://www.al-naddaf.com/PC-NDF/mlffat/files/110.jpg
الله ... روعة للشاهي المحبق للكيف
http://www.al-naddaf.com/PC-NDF/mlffat/files/111.jpg
شاهي بعد الفطور ومع جلسة خاثرة
يوووه ..الله يعيدها
http://www.al-naddaf.com/PC-NDF/mlffat/files/131.jpg
مع الشاهي الأخضر ... طعم غير
سالفة منقولة
يقولون مريت على كذا بريق من بين الاستيل الى المعدن الى الغضار والى كل نوع واليوم راسي على بريق لقيت للشاي فيه كيفة يعرفها راعي الكيف
اما الشاي فالربيع ما يحتاج يحبه قلبك وينقع في الرأس نقعه تكيفه وتجعلك تضبط رأسك ، لكن اذا لك خاطر وتحب التجريب جرب ابو جبل ، ترى له طعم ثاني ينافس الربيع واسأل مجرب
عندنا شايب الله يغفر له ويرحمه ، اذا صلحنا الشاي له قالوا ازنطوني ، قلنا ليه ، يقول : ابي طعمه يروح لرأسي ما يروح لبطني http://anaddaf.myqnapcloud.com/PC-ND...729068_484.gif من حبه للكيفة مع الشاي .
ومن مبالغاته الله يرحمه ، يقولوا اذا حطيت مع الشاي نعناع اغسله سبع مرة وحدة بالتراب http://anaddaf.myqnapcloud.com/PC-ND...729068_484.gif الله يستر
اقوله ليش ، يقولوا النعناع ينجس البريق http://anaddaf.myqnapcloud.com/PC-ND...729068_484.gif
تعصب ما بعده تعصب
بس عاد تبي الجد انا مع الشاي ومدمن شاي ولا احب احطه مع اي شيء حتى النعناع نادر اني اشربه مع النعناع وكيفتي الشاي سادة اذا حكره له راعي الكيف
السؤال اللي يطرح نفسه : كيف تصلح الشاي
طبعا انا استخن الماء في البريق المطلوب ، بعد شوي وقبل ما يفوح الماء احط السكر ، وبعد ما يفوح السكر ( ويميع ) اطفي النار واقعد البريق ، واحط الشاي ، بعد عشرة دقايق خذ لك شاي كيف كيفك .
وعلى فكرة انا سمعت ان تفويح الشاي مضر ويذهب فوائده ، سمعت ولست متأكد ا .
انتهت السالفة
نعود لموضوعنا
ممن يريد المشاركة
أرجو ذكر نوع الشاهي و نوع الأبريق مدعومه بصورة الأبريق
كي تعم الفائده
ونشوف ذوقكم
ولأبرز مشاركه ... هديه أبريق أصفر أصلي وعلبة شاهي
يالله ياشباب شدوا حيلكم نبي مشاركات فعاله
واللي ماله بالطبخه يطفي النور وينتظر و يستفيد
ودمتم سالمين
