كان ياما كان في قديم الزمان
يعني يوم الخميس 29/11/1429هـ
كان فيه واحد

وده يتفرج على السيول في صبخة القصب
اللي تجيك قبل القصب على اليسار وانت جاي من الرياض

المهم الرجال وقف سيارته على جال البحيره ونزل يتمشى



مادرى الا الماء وصل السياره

حاول يطلع لكن ما امداه

كفراته صارت تدور في الطين



المهم ترك موتره يمرح يوم جا الصبح ويفزع له راعي حراثه

حاول يسحب الجيب لكن صارت هذي النتيجه




تلاحظون الاخوان جابوا شاي

شكلهم وسعوا الصدر عند الحراثه




مسيكينه هالحراثه

راحت فيها

هالحين الحراثه تقول



طلعوووووني وش لقفني اجي هنا

المهم أشروا لراعي القلاب على الخط وجا يبي يسحب الحراثه

وكانت هذي النتيجه

وهذي صورة ثانيه ولاحظ قرب خط الزفلت

وعرفوا ان الموضوع يبي يطول والدليل ترمس المويه!!
قالو مابدهاش لازم نجيب شيول كبير

لكن شوفو وش صار



من شفت الطاسه اللي حاطها ورى وانا غاسل يدي

قامت الحراثه تضحك

قالت (قيت لك ياعبدالمعين عوزك تعيني لئيتك ياعبد المعين عاوز تتعان) <-- طبعاً باللهجة المصريه




المهم قالو الحل الأخير هو الاتصال بالدفاع المدني وقامو وزينوا الشاهي بعد ما خلص الشاهي اللي في الزمزميه

وقعدو يتقهوون بالبريق اللي قدامكم هاتك براد رايح وبراد جاي

وفعلا جا الوايت علشان يسحب هاللي غاطسين



وشوفوا وش صار
وتركو الجيب والحراثه والسقس والدركتل

وحاولوا يطلعون الوايت

لو سموكم الدفاع المندي كان احسن هههههاي

شكل السواق توهق وانواع الجزاءات بتطبق عليه



وحاولوا كثيراً بدون فايده



يوم انهم عجزو قالوا ما يفل الحديد الا الحديد



جيبوا الدركتل ابو جنزير



ويجيك يتمخطر ويضحك على هاللي غاطسين



لكن جاه ماجا ربعه


تعلق اخينا في الله وقال هذا مكاني

وجابوا عمال البلدية يحفرون له وحطو له خشب يبونه يطلع لكن ما فاد

وبعد ما استفادو من الدرس اللي تكرر عليهم في الجيب والحراثه والقلاب والدركتل والوايت

قررو يسحبونها من بعيد



ربطوا عدة وايرات في بعض وطلعو ابو جنزير ويقواون ان الدركتل اللي سحبه على الزفلت

هههههههه الصبخة ما يلعب معها على الزفلت وعساك تسلم

ثم سحبو الشيول




والحمدلله على السلامه



هذي صورة للموقع من بعيد

مابقي غير يفكون بقاله هناك لوووووووووووووووووول



والحمد لله طلعت الحلقه الاخيره نهايه سعيده