مرحباً بك زائرنا الكريم .. لك حرية الإستفادة والنشر
*عزيمة مندي بالإستراحة ياشباب عاجل!!!*
<HR width=500 color=#808080 SIZE=1>
رسالة من بريدي :
المقال منقول بس اني اتخيلها مع ابناء عمي
السلام عليكم ورحمة الله وبركاتة
بمناسبة المناسبات
:التالية
أولاً : انتقالنا للإستراحه الجديده
واللي اتفقنا نسميها
إستراحة
(( دير بالك ع حالك ))
متأثرين بباب الحارة >>
ثانياً: إجازة الأوبك << بس حنا ياحقين الرياض
ثالثاً: والأهم كتب كتاب أحد كبارعضوات الأ ستراحه "أبو ابراهيم" << عقبالنا جميعاً
قررنا نقط ونتعشى تيس على كيف كيفك<HR width=500 color=#808080 SIZE=1>
وفجأه وحنا نجمع القطه وتطيح عيوننا على حفرة مندي داخل الاستراحه الجديده
قلنا هذي مناسبة خامسة لازم نسوي التيس مندي
شغل إيدينا أضمن من شغل المطاعم
خاصة من عقب الفار اللي ياكل الشاورما
الله يعز النعمه صرت أغمض اذا مريت على مطعم
اللي مابعد شافه يتحمد ربه انه مابعد شافه
واللي ملزم يشوفه هذا هو المقطع
في قسم البلوتوث
هنا
المووووهيم نرجع لموضوعنا
كل واحد تكفل بشي
اللي يضبط شاهي واللي يجيب التيس
واللي يجيب اغراض وكل واحد له شغله
الاأنا بما أني فاشل في الكشتات والحركات هذي
شديت حيلي بالتصوير
وبدت رحلة الكبسةمراعاة لظروف ضعاف القلوب والنواعم<HR width=500 color=#808080 SIZE=1>
قمت بحذف صور التيس وهم يذبحونه ويصلخونه
ماودنا ننكد عليكم
:
هذي صورة المرحوم بعد الصلخ والتعليق
وهذي الصوره الله يرحم قاعدين نملحه << مسوي مشتغل معهم
وهنا بعد التعليق وننتظر النار تجمر
وهذي ضونا الله يجيرنا وياكم
الحين جاء شغل الرز
تعرفون الرز غالي شارين كيس أبو 20 كيلو
هنا يبدأ شغل الشيف سعود بتضبيط الرز
لين تجمر النار
تشم ريحته الله يعز النعمه بس اذا حمسته مافيه احلى من ريحته
فاتتكم الريحه
هنا عاد اكبس الرز وخله شوي
بعدين تربط القدر
المقادير : معاليق + زرادية
الطريقه : مدري العيال هم اللي عفطوها كذا <<
هنا بدا الشغل الصح وهذا التنور الله يجيرنا وياكم دنيا وآخره
تحط بطانية مبلله وتكتم أبو أبوه << ساقط في التعبير
ترى للحين ماخلصنا
الشيف : نايف قال:خل الرز مضغوط أضمن
والشيف : سعود يقول لا مندي
قام الشيف : نايف وخذا الراس والرقبه وكم قطعة صغيرة هبرة
وضبط رز مضغوط بنكهة اللحم
فاصل إعلاني<HR width=500 color=#808080 SIZE=1>
خلصنا شغل اللحم والرز
ومابقى إلا الانتظار
وكل واحد يمارس هواياته اللي يضبط شاهي
واللي يشغل اللاب توب
اللي يتفرجون على التلفزيون
واللي شغلوا البلاي ستيشن
وهذا صورته
أدري ان محد مصدق بس مشوها هالمرة >>
بصراحه العيال طفشوا من التصوير والفلاش اعمى عيونهم ومنعوا عني التصوير
وعاد لازم احط صورة للبلاي ستيشن مالقيت الا هذا
وحقين البلوت بعد كرشوني ممنوع التصوير
على طاري البلوت
هذي لعبة البلوت ناس كثيرين يسألون عنها
وخصوصاً طلاب الجامعه
اللي يجلسون آخر القاعه
عاد عندنا في الجامعه المحاظرات ساعتين وثلاث
يعني يبيله بلوووت
ياشينه ذا الدب اللي مقابلك يقهرك
تهرب هاص يجيك هاص
وهذارابط اللعبهوتراها كامله مكمله
MBC ويقولون الـ
تسوق للعبه مدري وش طاري لهملـقـد عـدنـا<HR width=500 color=#808080 SIZE=1><HR width=500 color=#808080 SIZE=1>
وهذا العشاء بعد ما انتظرنا ساعه
قبل ما نقرب الصورة كل واحد يقرب مناديل
محافظتن على الكيبوردات
غير مسؤل عن خراب الكيبوردات>>
وهذا الرز كان ودي اصور الكشنه حقت الرز المندي
بس ماأمداني ألحق عليها
الشباب ماعندهم صبر
وهنا الرز المضغوط باللحم
الشيف : نايف يشوف شغله
قبل مانفرش السفرة
(لازم تواجد شيخ السفرة ( البيبسي
ولا تهون شطة الكريستال
تصدقون العام يوم انقطعت الكريستال من الرياض
+++++++++++++++
وهنا مابقى الا نقول اقلطوا على عشاكم
اللي يبي
رز المندي
واللي يبي رز المضغوط
هاه وشرايكم في الشغل ....؟
لاتنسون نظام الأستراحة
الرياض
استراحة
(( دير بالك ع حالك ))
اتمنى الايميل أعجبكم
شكله هالمندي خلان أحس بالجوع .. شي .. شي .. بكل ما تحمله الكلمة .. كم أتمنى أن تكون بأيدي شباب العائلة .. صح ما راح يكون بمثل هالصورة ولا أظن نسوي مثله .. لكن على الأقل إسمه مندي .. وفرصه هالبرد لضرب المواعيد والاتفاق على رحلة برية خاصة وإن التيس سعره ما زال معقول عند العالمية .. إلا إذا كان الشباب يبون شد الهمة في الذبح فالله الله بالقطةالطيبة وعلوم الكرش تسير زينة ..
فياليت الشباب يعودون يوماً .. لنخبرهم بما بفعل الفراق ..
وسلامتكم ..
شكرا على المرور يابو معاذ... بوجودك نورت المنتدى وبقلمك انار مجلسنا
فأهلا وسهلا بك ونحن والله مشتاقين لك .. لك وحشة ياأخي .:mayfather:. ردودك مضحكة ورنانة ومميزة
وانا وشوله حطيت الموضوع والصور الاّ علشان اجذبكم واحمسكم للطلعات فهل من مشمر ...ولا يهمكم القطات
تراه كلها طفسة ماتسوى عند طلعات مع ابناء العم..كلام صح
انعم الله عليك يابو اسامه
والله اني شبعت يوم شفت هالتيس
:0163:
