مرحباً بك زائرنا الكريم .. لك حرية الإستفادة والنشر
*كشته غير شكل-الكشته المثالية (صور)*
بسم الله الرحمن الرحيم
هذولا ناس خكاري يسمعون بالبر
أنا من يوم شفت أبو هنود تارسين المخيم الظاهر العمال اكثر من اللي كاشتين صدق ناس تسمع بالبر
ولا يفوتكم الشوكلاتات وتورتات اللهم لا شماته
ولا جايبين فرن هههههه وواحد جايب وسرير وغرفة نومه ياويلي الولد ما يعرف ينام الا بسرير هههههه اقوليا زين كشتاتنا بس
الله يسعد قلوبهم
^
^
^
طلعنا من خط الوكرة .. إلى سيلين الجو كان متوسط يعني أقرب إلى الحر
ومن طريق الوكرة وصلنا إلى موقعنا السابق
طلعت الخريطة السابقة وشفت موقعنا
أتصدقون ان الخيمة الأساسية كانت تبعد عن الطعس 7 متر
حاليا الفرق 2 متر .. هذا معناه ان جميع الطعوس تتحرك مع الهوا باتجاه الشرق
وان جميع طعوس سيلين راح تكون في العديد بعد 10 سنوات ( نظرية بوعيد سميتها النظرية العيديدة )
بعدها بدو الشباب يضبطون المكان ويتفحصونه .. وانا من فوق الطعس اشكهم بالصور
موقعناا السابق .. راح أنشوف وياكم صور الترتيب
هاي واااااااايد متعب نفسه .. هذا الشخص سالفته سالفة
بقولكم .. طلع عضو في المنتدى
الشباب بعد التعب .. لزوم الشغل بعد
بعد ماخلصت من الأكل .. رحت أناديهم
بعدها على ملعب الطائرة يرتبونه
وبعدها تمديد الكهرب .. وتجربه مولد الكهرباء
وهذا مخيمنا بعد الانتهاء منه
خلوني استعرض لكم جدولنا
الرحلة تبتدي كل خميس والرجعة الجمعة مساء
الظهر الساعة 2 بعد الدوام الكل في موتره وعلى خط الوكره
مع سي دي .. وأشعار الأمير خالد الفيصل
بس قبل كل شي لازم أتنسم على التواير قبل ماتتدخل الرملة .. عشان ماتغرز
راح تلاحظون في زاوية الخيمة
أفضل مكان بالنسبة لي .. خلونا نقرب ونشوف
يازين القهوة مع الشكولاته
المانجا ياعيني على المانجا
وبعدها على الجلسة الخارجية .. نص ريع ساعة .. بعدها نمشي جماعه بالبطابط ( مجموعه )
على البحر نروح أشوف الشباب والعالم كلها هناك
بعدها نرجع مع صلاة المغرب أنصلي
ونذكر الله .. وبعدها .. نشب الضو ونجلس حولها وكل واحد وسوالفه
أما طنازة ولا نرجع ورا لذكرياتنا ومغامرتنا
الحش والسوالف مب من شيمنا <-- أتمنى أنكم تصدقوني
بعدها نلعب جوكر ومانخلص من الورقة إلا وإحنا متهاوشين
والزاوية الثانية الشباب .. مع الفوالة
وبرع عند الضو الشباب الثانيين سوالف .. وشاي حمر
بعدها أنصلي العشاء ونجلس على التلفزيون أشوي .. وبعدها على معلب الطائرة
وانا على حسب النفسية أما العب معاهم او فوق الطعس اقعد وأصور
وصج وناسه معاهم وضحك
بعدها العب لعبتي ... على المطبخ أروح أشيك على العشاء
تتدرون ... مشرف أطعمه سابقا
صادني بوفلان .. وش عندك
قلت له : كالعادة الجملة المعروفة عند الكل ( قاعد أسوي تيست )
أي تيست تعشيت ومليت البطن وتقول لي تيست
بعدها على خيمة العشاء ويالله لاتقعد اتسولف والكل حاط فمه على الصامت
وبعدها ننقسم إلى مجموعات مجموعه تسولف ومجموعه تلعب ومجموعه
وبعدها تقريباً آخر الوقت خلاص الكل يدل مطرحة .. عالنوم
وبعد النوم ثاني يوم .. كل واحد فينا يطبخ حق نفسه ويتفنن
بعد مانصحى من النوم
كل واحد يشد حيله .. مع الطابي
أما عن نفسي مالاداعي أتكلم أنتوا عارفين .. لا اعرف اطبخ ولا اعرف أسوي شي
المهم أللي علي إني آكل وخلاص
وثاني يوم بعد الريوق وبعد صلاة الجمعة في مسجد سيلين
نرجع على مخيمنا والغداء
وقبل صلاة العصر يكونون الشباب عند البحر على البطابط
وشباب من الدوحة يجونا .. وأحلى شي إذا جاك واحد
ومعاه فطاير ولا معاه كيكة المانجا
================
منقول
وبعد طول المقال والصور المملة
والله الصراحة حامت كبدي :lool:
هذه كشته ولا قلت حيا
مغاسل وسرير ودولاب ولعب بالوت وأغاني
اللهم لك الحمد والشكر
والله طلعتي مع عيال عمي ابرك واحسن من هذولا الموسوسين المتحضرين
ولو قالولي اطلع معنا : اهاء !!! ألا يالليّ طالع :beee:
أقووووول و الله لو أنهم قاعدين ببيتهم أحسن لهم .. وش ماخذين بيتهم معهم سريير و تلفزيوون و دش و مغاسل
لا وبعد تورته و حلويات . صدق والله ( اللي ما يعرف الصقر يشويه )
... ما صارت طلعة بر هذه طلعة خكاريا ...
... يعطيك العافية على الكشتة المثالية ...
هذي الطلعة والا بلاش مهب طلعتكم يالنداف,,,,,,,,,,,
لا والله طلعت خكاريا ... من قوم النوااعم .... صاير فندق خمس نجوووووووم .....!!!
مشكور على ياابو اسامه ...!!!
