قصيدة الواتسب

[ابو اسامه]

قصيدة الوتس :

برنامج الـ(whatsp)سببت وسواس
في مجتمع ناسي هموم السياسه..

مره تجيب العلم، مبني على ساس
ومره تجيب العلم، من غير ساسه..

كنك من السرعه اليا أقلعت للناس
مكوك,, من وكالة الجو ناسه..

مايمنعك، جيش، وطوارئ، وحراس
دخلت حتى؛ في قصور الرئاسه..

صبيت قاز المشكله وسط الأقواس
على ضمير الشعب تشعل حماسه..

تروي حديث الترمذي وبن عباس
وتفتي بمسح الخف،، مدة لباسه..

زبونك، مطوع، وصايع، وبلاس
كلً على قده،، تفصل مقاسه..

ترسل رسائل تروي كبود يباس
تسكب على قلب الحزين الوناسه..

وترسل رسائل سطوها كنه الفاس
تضرب غصون المجتمع في شراسه..

وترسل رسائل كنها سوس الأضراس
تفسد جهود التربيه والدراسه..

غيرالكلام اللي على السطر منحاس
ذابت حبوب الغدر في قاع كاسه..

أخرعباره منه حطت بالأقواس
أنشر وتأجر،، لاتجيك أنتكاسه..

ارسل على سبعه وتسلم من الباس
وألا.. . يصيبك في حياتك تعاسه..

التقنيه نهرً يمر أكثر الناس
والدين ماه، ولايفيد أحتباسه..

لكن على علم ودرايه ومقياس
الجهل لامن خالط الشي حاسه..

كم يعربي يتبعك يامنكس الراس
يسمع صدى نغمتك ويميل راسه..

أحدً كسب بك فود، وأحدً تغطراس
وأحدً كسب تقليد ربعه وناسه.

[ابو اسامه]

سلّم عَلىَ الووواتس مدنق الروس
- ................ليا حضر مافيه أحد يتكلم
-خلا مجالسنا بلا هرج ودروس
................مثل العزا ماغير ناقف نسلم
- كلن جهازه بين أياديه ويحوس
-..........أحدن جديد العرف واحدن معلم
-اللي يقول بخير والشر محيوس
- ..................واللي شياطينه منه تعلم
-هذا زمانن يشترا الذنب بفلوس
-...............بلمسة الاصبع يجيك وتسلم
-ماقول كل الناس والخير ميوؤس
-.................أقول يـارب المخاليق سلم

[ابو اسامه]

ًقصيدة بتوبيكااات الحريييم


البارحه سجيت مع هالتوبيكات@
اشوف حكين غيرنا كاتبينه@
وقمت اضحك وارفع الصوت ضحكات@
على كلامن لغيرهم قاصدينه@
اللي تقول ابوي له مع الطيب وقفات@
والطيب بين وكلكم خابرينه@
تمدح ابوها ماعليها ملامات@
مير البلا كان بالردى عارفينه@
وهذي اخواني ما مثلهم بالجماعات@
وهم درب الخطا والمنكر تابعينه@
وهذي تروح اليوم صوب المطارات@
تعلم اللي مادرا حنا مسافرينه @
كنها اول مره تعرف طريق السفارات@
مع السلامه روحي لاتدوخينا@
وهذي تقول مبروك ياعمه وخالات@
وهي وصل الرحم ما بينهن قاطعينه@
وهذي تقول اشتاق له هو بالذات@
جعلي فدا موطاه وراسه وعينه@
ما كنها تذكر صباح الطراقات@
والضيم اللي عايشته حنا عارفينه@
وهذي اللي تقول عيالي مامثلهم مستحيلات@
وهم شيب شعرها مطلعينه@
ياختي ادعيلهم بالصلاح والمغفرات@
عسى ربي يستجيب دعاء لهم تدعينه@

^إنشهد أنه صادق هہہہہہہہہہہہہہہہہ
مالومك يالوتساب يوومنك تعطلت
من كثر:
ا لنغزات 
المهايط
دلع الازواج
كره الحمولة
سب الحظ
ذكر الاموات
اعياد الميلاد
المواليد
كاااااااااافي صيروا نفس الاجانب
يااا
Busy
At the movies
Available

تسنعوووااا عشاان يرد الوتساب
----------------------------------------ح