مرحباً بك زائرنا الكريم .. لك حرية الإستفادة والنشر
*░▒◄إذا غرزت سيارتك وش تسوي ؟ اختراع حلو ►▒░*
هذه لوحة بلاستيكية من صنع العجم الفكرة بسيطة بس وين اللي يطلعها
لو ماعندك مثلها جب لوحة مثل اللي عند العماير توها تبى وخذ احد السقالات بس لاتسرقها !!
وطق عليها مسامير علشان تسير اللوحة خشنة زي اختراعهم
والله ماخلو شئ ... عقولهم مكينه تشتغل ... وتطلع افكار
ماهي عقولنا النايمة لو شغلناها طلعت رز وقشوم فصفص
اقول ... شوفوا يابناء عمي
الشئ الوحيد اللي أعجبني بالصورة ماهي القطعة البلاستيكية البرتقالية بل الأغراض اللي فوق السيارة ودّي اتسلق الموتر وأفتش الشناط
والله الخواجة :all_coholic: عندهم العجايب
لو حنا كان مالنا خلق نحط العزبه فوق السيارة وبعدين مواعيننا والبرقان محترقة من الحطب وريحة السيارة معفنه من كبكبة الماء فيها
والدعوة عفسة بعفسة لو ابي الملاّس او الكبريت اقعد ساعة مالقيته
ما شاء الله عليك ياابو اسامة مكشاااات بر وركزت على العفش اللي فوق السيارة...!!
ماشاء الله تبارك الله عليك مكشات وبر وفلة حجاج وركزت على الإختراع الحلو الجديد ...
جزاك الله خير وبارك الله فيك ومشكوووور على الإختراع الجديد ...
الله يهديك الشباب عندنا إبداع .. لكن محاربين من كل جهه
و لو يخترع واحد منهم أي اختراع .. يلقطه أقرب تاجر و ينطلق للصين .. يصنع .. ويجيب الفكرة جاهزة للسوق و يبيع و يربح..
و صاحب الاختراع طايرة عيونه ..
و لو يفتح مؤسسة .. يواجه قوانين صارمة تسرقه من كل جهه .. كل هذا.. غير الدراهم اللي تاخذها مصلحة الزكاة و الدخل سواء ربحت أو خسرت..
و جزاك الله خير يا بو أسامة
