مرحباً بك زائرنا الكريم .. لك حرية الإستفادة والنشر
*.. ( قصه مصورهـ .. الطين وخطورته ) ..*
بسم الله الرحمن الرحيم
الحمد لله التواب الهادي إلى الصواب غافر الذنب وقابل التوب وأشهد أن لا اله إلا الله الرحيم الغفور ، والصلاة والسلام على محمد خير الأنام ، وعلى اله وأصحابه البررة الكرام ..
السلام عليكم و رحمة اللّه و بركاته ...
.. ( قصه مصورهـ .. الطين وخطورته ) ..
كان ياما كان في قديم الزمان
يعني يوم الخميس 29/11/1429هـ
كان فيه واحد جاي من الخرج
وده يتفرج على السيول في صبخة القصب
اللي تجيك قبل القصب على اليسار وانت جاي من الرياض
المهم الرجال وقف سيارته على جال البحيره ونزل يتمشى
مادرى الا الماء وصل موتره
حاول يطلع لكن ما امداه
كفراته صارت تدور في الطين
المهم ترك موتره يمرح يوم جا الصبح ويفزع له راعي حراثه
حاول يسحب الجيب لكن صارت هذي النتيجه
ومن جهة أخرى
تلاحظون الزمزميه ؟؟
شكلهم وسعوا الصدر عند الحراثه
مسيكينه هالحراثه
راحت فيها
الحراثه تقول
طلعوووووني وش لقفني اجي هنا
المهم أشروا لراعي سقس على الخط وجا يبي يسحب الحراثه
وكانت هذي النتيجه
وهذي صورة ثانيه ولاحظ قرب خط الزفلت
وعرفوا ان الموضوع يبي يطول والدليل ترمس المويه!!
قالو مابدهاش لازم نجيب دركتل
لكن شوفو وش صار
من شفت الطاسه اللي حاطها ورى وانا غاسل يدي
قامت الحراثه تضحك
قالت (قيت لك ياعبدالمعين عوزك تعيني لئيتك ياعبد المعين عاوز تتعان) <-- طبعاً باللهجة المصرية لانها عايشة بين صعايده
المهم قالو الحل الأخير هو الاتصال بالدفاع المدني وقامو وزينوا الشاهي بعد ما خلص الشاهي اللي في الزمزميه
وقعدو يتقهوون بالبريق اللي قدامكم
وفعلا جا الوايت علشان يسحب هاللي غاطسين
وشوفوا وش صار
وتركو الجيب والحراثه والوايت والدركتل
وحاولوا يطلعون الوايت
شكل السواق توهق وانواع الجزاءات بيطبقون عليه
وحاولوا كثيراً بدون فايده
يوم انهم عجزو قالوا ما يفل الحديد الا الحديد
جيبوا ابو جنزير
ويجيك يتمخطر ويضحك على هاللي غاطسين
لكن جاه ماجا ربعه
تعلق اخونا في الله وقال هذا مكاني
وجابوا عمال البلدية يحفرون له وحطو له خشب يبونه يطلع لكن ما فاد
وبعد ما استفادو من الدرس اللي تكرر عليهم في الجيب والحراثه والسقس والدركتل والوايت وابوجنزير
قررو يسحبونها من بعيد
ربطوا عدة وايرات في بعض وطلعو ابو جنزير ويقولون ان الدركتل اللي سحبه على الزفلت
هههههههه الصبخة ما يلعب معها
على الزفلت وعساك تسلم
ثم سحبو الدركتل
والحمدلله على السلامه
هذي صورة للموقع من بعيد
يستفاد من الموضوع الاتي : -----
1- لاتهايط اذا شفت السيل
2- حاول تستفيد من اللي توهقوا قبلك
3- مهوب كل من اتصل بالدفاع المدني يبي يطلع
وفي الاخير شكراً لمن قام بتصوير الاحداث والتعليق عليها ونبي رايكم حول ما حصل وسلامتكم
جميع ,,,,,,,,,,,,,,,,,,,,
منقووووووووووووول
احب ان افيدك عن القيادة على الطرق الطينية*رد: .. ( قصه مصورهـ .. الطين وخطورته ) ..*
ما يؤثر على أداء سيارات الدفع الرباعي الحقيقة هما العاملين التاليين:
1- مداى احتكاك الإطارات بسطح الأرض .
2- مدى ارتفاع هذه السيارات عن سطح الأرض.
يعتبر الطين أحد أسوأ ظروف القيادة التي تؤثر على العاملين المذكورين في الأعلى. وبناءاً عليه وقبل الشروع في الموضوع فليسأل كل سائق نفسه:
هل يتوجب علي الولوج في هذا الطريق؟ هل هو آمن؟ هل بمروري على هذا الطريق سأحدث تلفا في سيارتي؟
إذا بدأت بالقيادة على سطح طيني أملس ولا مجال للرجوع، أول ما يجب عمله هو تخفيض ضغط الإطارات إلى 16 PSI وذلك كي يكون مجال احتكاك الإطارات بسطح الأرض أكبر. وبعدها اعمل على تشغيل الدبل منخفض النطاق ليعطي عزما أعلى مع تشغيل القفل المركزي إذا كان متوفرا، حيث سيعطي ذلك عزما أعلى للإطارات بدلا من أن تحفر تحتها بسبب السرعة غير المطلوبة وبالتالي الوصول إلى وضع أسوءا.
القيادة على الطرق الطينية وللهواة تتطلب استخدام إطارات مخصصة لهذا الغرض، حيث أن إطارات الطرق السريعة تعلق في الطين بسرعة وذلك لأنها صممت لتكون مريحة وأقل ضوضاء وأكثر تحكما، بينما الإطارات المهيأة لكافة الظروف تكون أفضل ولكن لا يعتمد عليها أيضاً عند القيادة على الطين، ومع هذا توجد إطارات مهيأة للطين فقط وهي الحل الأنسب ويعيبها ضخامتها والإزعاج الذي تسببه عند القيادة على الطرق المعبدة ولا تناسب المدينة ولكن يميزها سهولة خروجها من الطين.
المفاضلات أو الديفرنشال مصممة لتعطي مجالاً لأحد الإطارات بأن يدور بسرعة أكبر من الآخر كي يسهل الالتفاف بالسيارة، وإذا تم إغلاق هذه المفاضلات فإن التحكم بالسيارة يصبح صعبا حيث أن الالتفاف بالسيارة سيأخذ حيزا كبيرا.
تأتي السيارات الحديثة بأنظمة التحكم في الاحتكاك أو Traction Control والتي يرتكز مفهومها على منع أو كبح حركة الإطار الذي يدور بسرعة أكبر من باقي الإطارات وذلك لمنع ذهاب كافة العزم إليه، كانت بداية تطبيق أنظمة التراكشن كنترول في أواخر التسعينيات من القرن المنصرم وكانت إستجابة هذه الأنظمة في البداية بطيئة ولا تؤدي الغرض كما هو مطلوب ولكن مؤخرا يبدوا أن مصنعي السيارات قد حلو مشكلة البطىء هذه بتوفير حواسيب أسرع.
وكما هو الحال في سيارة لاندروفر LR3 ، فإن نظام التراكش كنترول فيها سريع ونشط جدا ومناسب لكافة التضاريس مثل الثلوج والطين والرمال. في حقيقة الأمر، أنظمة التراكشن الحديثة تستطيع أن تأخذك أين ما تشاء.
تعليقات منقوله للي جربوا الغراز في الطين
الطين اصعب من الرمل بمراحل ويحتاج لمهاره خاصه مو اي شخص يعرفها
اذكر مره كنا طالعين نتمشى ايام الامطار على الرياض وغرز واحد من اخويانا بالطين
ويوم جينا نسحبه غرزنا معه واضطرينا للتخلي عن السيارتين لحين ينشف الطين وكان قرارنا خاطيء
لانه ياليوم الثاني ماقدرنا نسحب الجيب الا بعد ماكسرنا الطين اليابس واللازق بالكفرات والدفرنش اما
الونيت كان غرازه شين مره ويوم نشف الطين ماقدرنا نطلعه الا بعد ماتكسرت الاذرعه
لذلك اوجه نصيحه لاخواني اذا جا مطر لاتنزل بالطين في الارض الصلبه لانه يصير رخوو مررره
عكس الرمل اللي يقسى مع المطر واذا قدر الله عليك وغرزت فانصحكم ياخواني من واقع تجربه
لاتنتظرون لين يجف الطين لانه بيصير اصعب واصعب جدا اخراج السياره العالقه فيه
انتهى
